Аскалон Павлов - Хантан булуомуй

Аскалон Павлов
Хантан булуомуй?


Симэхтээх оhуордаах сир-ийэм барахсан
Сиэдэрэй дьүһүҥүн сэhэргиир тыллары,
Анараа кытылга баҕалаах санаабын,
Батыhан бараахтыыр баламат тыллары.

Хос ырыата:
Мин хантан хомуйан ылыамый?
Мин хантан кердееммун булуомуй?

Барылыы баалланар балкыырдаах байҕалым
Хоргуйбут куртаҕар кутуллар тыллары,
Хараҥа барыҥый күһүҥҥү түүннэргэ
Толору дэлэгэй дохсун уот тыллары.

Күүстээҕи кытары киэртэhэр-кыырпаhар
Хатыhар, дьаныhар, хатыылаах тыллары.
Өстөөҕум өйүгэр өр кэмнэ олорор
Өргөстөөх өһүөннээх өйдөөбут тыллары.