Туох даҕаны илиитигэр
Табыллыбат буолтун кэннэ
Өйдөөн-дьүүллээн көрбутэ:
Үөһээттэн абааһы уолаттарын
Холлоро-бууттара
Тантаары таммалаабыттарын
"Бу адьарайдар
Кэбирэх дьоннор эбит", — дии санаан
Төттөрү били
Абааһытын уолунуун,
Этиһиилэрэ
Эрдэ бүппүт дьон быһыытынан,
Түллэр таас түөскэ
Түһүспүтүнэн барбыттар.
Охсуһуу диэн омуннааҕа,
Кырбаһыы диэн кыыдааннааҕа
Бу дойдуга буолбута.
Биир ый хонуга
Отут хонук
Мүгүлтэр туолуор диэри*
Охсуһан охсуһаннар,
Абааһы уолун биир төгүллээн
Тоҥолоҕун тэһииниттэн ылан,
Атахха тэбэн кэбиспитигэр
Тоҕус күннүктээх сири
Туруйалаан баран истэҕинэ,
Харсыһыылаах оҕус курдук
Хап-сабар кэнниттэн сырсан тиийэн,
Үрдүгэр миинньэ түһэн баран,
Хааннаах диэки көрдөҕүнэ,
Хаатын иһигэр сылдьан,
Хаачыргыы-хаачыргыы мөҥөр,
Кыалаах диэки көрдөҕүнэ,
Кыынын иһигэр сылдьан,
Кыычыргыы-кыычыргыы кыланар
Кынчаал тимир быһаҕын
Ньылбы ойутан ылан,
Өлөр сирэ бу буолуо диэн,
Үрүн- сүнньүн
Толкуйан киирэн барбыта.
(Ноо!)
Ол толкуйан киирэн барбытыгар,
Аннараа баҕайыта
Саҥалаах-иҥэлээх буола сылдьыбыта.
(Ноо!)
|
когда нечего стало рукой
хватать да крушить,
внимательно пригляделся:
тех парней-абаасы
руки да ноги
сверху вниз сыплются.
"А чудища эти
слабаки, оказывается", — так подумав,
снова с тем
парнем-абаасы [схватился],
как люди, которым говорить
уже не о чем,
каменной грудью на грудь [сойдясь],
друг на друга накинулись,
самая неистовая из битв,
самая яростная из схваток
в этой стране началась.
До полного истечения
тридцати дней
одного месяца
дрались-бились они,
изловчившись [Эр Соготох] парня-абаасы
за локоть схватил
да как подсек ногой!
Тот, на расстояние девятидневных кочевок [отлетев],
спотыкаясь, по-журавлиному заковылял,
[Эр Соготох], словно бодливый бык,
тут же за ним погнался,
догнав, верхом на него уселся;
[свой нож], который, алую кровь завидев,
еще в ножнах,
скрипя-скрежеща, буйствовать начинает,
густую кровь завидев,
еще в чехле,
скрежеща-скрипя, вопить начинает,
свой железный нож-кинжал
мгновенно выхватив,
в уязвимое место нацелясь,
становую жилу [противнику]
стал разрывать.
(Ноо!)
Когда так он разрывал,
то чудище
заговорило-взмолилось.
(Ноо!)
|
(Харабыл абааһы уолун тойуга:)
Ар дьаалы!
Абатайбын-халахайбын!
Эминэ тугуй, оҕолорбуон!
Өлөллөрө-ыалдьаллара
Өҕүмэр* буолар эбит, доҕоор,
Тохтоо болҕой да, нойоон,
Таас Дьаантаар Аара Буурай
Хаһан миэхэ
Сэттэ хотон ынаҕы биэриэҕин,
Харабыллааччы буоламмын,
Хаарыан тыыммын
Сарбыттаран эрэбин, нойоон,
Туох да буруйа суох сордооҕу
Тыыммын ордорон көруөххүн
Төһөлөөх буолуой, нойоон, —
Ол тойон
Ханна баарый диэн эттэргин
Ситиннэ чугас
Аллараа сир анныгар киллэрэн,
Эн аналлааххын* кэлгийбитэ
Биэс төгүрүк сылтан орто», — диэн,
Абааһы уола сити курдук
Саҥарбытын кэнниттэн
Үчүгэйи эттиҥ диэн үөрбэтэҕэ,
Куһаҕаны эттиҥ диэн хомойботоҕо.
Били киһитин
Ый ыһыаҕа,
Күн күдэнэ,
Кукаакы дуйаҥа,
Суор сокууската,
Мэкчиргэ мэҥиэтэ,
Оҥорон кэбиспитэ.
(Ноо! Тоҕо бэрдэй!)
Ол кэнниттэн
Таас Дьаантаар Дара Буурай
Кэй барааныгар киирэн кэлбитэ.
Ол киирэн турдаҕына,
Аллараа диэккинэн
Хороон курдугунан
Киирэн кэллэҕинэ,
Арай, кытара убайа турар
Тимир сымара уот оһох турарыгар
Арай онно көрдөҕүнэ,
Сүрдээх улахан кытарбыт
|
(Песня стража-абаасы:)
Ар дьаалы!
Ой, больно-то как!
Что же такое, ребятушки!
Умирать-мучиться
страшно-то как, друг,
остановись, нойоон, выслушай.
Разве когда-нибудь меня
Таас Джаантаар Дара Буурай
семью хлевами с коровами одарит?
Зазря стражем его став,
бедкую душу свою
даю подрезать, нойоон.
Невинному бедолаге
сохранить душу
каково тебе будет, нойоон?
Если спросишь:
Где мой тойон, мол?" —
отсюда близко, [отвечу],
в подземелье притащив,
там суженую твою связанной держит
вот уже больше пяти полных лет».
Хоть парень-абаасы вот так
и заговорил,
[Эр Соготох], хорошим словам не обрадовавшись,
на худые слова не обидевшись,
того человека,
в крошево искрошив,
в прах растоптав*,
снедью для сойки,
закуской для ворона,
приманкой для совы
сделал его.
(Ноо! Как здорово!)
А затем
к Таасу Джаантаару Даре Буураю
в обширное жилище его вошел.
Войдя туда,
по узкому проходу,
похожему на нору,
вниз спустился
и вдруг перед ярко пылающей
громадной железной печью
увидел:
огромную раскаленную докрасна
|